Arkitektur står sentralt innanfor bustadpolitikk, by- og tettstadpolitikk, miljøpolitikk og transportpolitikk. For å møte nye utfordringar er det nødvendig å uvikle ein sektorovergripande statleg arkitekturpolitikk.
Staten har ei spesiell oppgåve i å vareta kulturmiljø og bygningsarv og skal vere eit føredøme for andre aktørar. Staten skal også leggje til rette for at norsk arkitektur er synleg internasjonalt. Kunnskap, kompetanse og formidling skal gi arkitekturen eit lyft.
Det arkitekturpolitikken som no ligg føre, er eit resultat av bidrag frå 13 departement med sine underliggjande fagmiljø. Kultur- og kyrkjedepartementet har leidd og koordinert arbeidet.